د افغانستان طالبانو له ایران سره د سرحدي پېښې د جاج لپاره څيړنیزپلاوی ټاکلی

ایکنا - د افغانستان د طالبانو د حکومت د کورنیو چارو یوه مسئول مقام ووئيل له ایران سره په پولې کې د وروستیو سرحدي ډزو او افغان کډوالو ته د تاوان رسېدو په اړه د څېړنې لپاره یو پلاوی جوړ کړی دی.

ایکنانیوز د پارس ټوډې له  د راپور له مخې د ایران او افغانستان په پولو کې په افغان کډوالو په ډزو پورې اړوند خبرونو له خپرېدو وروسته  طالبانو یو پلاوي ټاکلی چې په دې اړه څېړنه وکړي.

دغه پلاوی د طالبانو د حکومت د کورنیو چارو د وزیر د امنیتی مرستیال ملا محمد ابراهیم صدر په مشرۍ او د دفاع، خارجه ، سرحدي او قبایلي چارو د وزارتونو او د استخباراتو د ریاست د استازو په ګډون  جوړ شوی دی.

 د طالبانو  حکومت د ویندویي مرستیال حمدا... فطرت، په دې اړه ویلي چې دغه پلاوی ماموریت لري مساله په دقیقه او جامعه توګه وڅړي او د خپلو څیړنو پایله لومړي وزارت ته اعلان کړي.

هغه همداراز زیاته کړه چې دغه پلاوي له پرونه خپل کار پیل کړی او هڅه کوي زر تر زره د دغه پېښې حقیقت روښانه شي. 

https://parstoday.ir/ps/news/afghanistan-i153314